NAGORE REMENTERIA; Elhuyar Fundazioa: Berotu ederra hartu dugu aldapan gora traste hauekin guztiekin! Normalean, oinez igotzen dituzue traste guztiak?
IOSUNE IBARGUREN; street luge: Batzuetan, bai; beste batzuetan, kotxez igotzen ditugu, bi erreiko errepidea denean.
N.R.: Kasu honetan, oinezkoak eta bizikletariak badabiltza, baina gainerakoan libre-libre dago.
I.I.: Bai, nahiko suabea da, kurbetan ikuspen ona dago... Ez da entrenamendu-puntu bat, baina ongi pasatzeko leku bat bai.
N.R.: Hemen tramankulu pila bat dugu; zertarako dira?
I.I.: Abiadurarekin jolasteko, batez ere. Modalitate desberdinak dira, baina erroberekin denak, inertziaz erortzeko, hau da, motorrik gabe joateko.
N.R.: Zu, adibidez, etzanda joaten zara, ezta?
I.I.: Hori da. Seguruago sentitzen naiz etzanda. Zutik ere gustatzen zait, baina teknikoagoa iruditzen zait. Horregatik, nahiago dut etzanda, abiadura handiagoan eta seguruago, nolabait esatearren.
N.R.: Nola esaten diozu zure taula horri?
I.I.: Street luge du izena. Ez diot izen berezirik jarri. Egurrezkoa balitz, classic luge izango litzateke. Bietan efektua bera da, baina nik metalezkoa daukat.
N.R.: Beste bat badaukazue, oso desberdina dena, gorria.
I.I.: Oso. Hori da lehengo goitibeheren oinordekoa. Bi-hiru mutil joaten ziren, eta kamioi bat behar izaten zen eramateko... Hori goitibehera txiki bat izango litzateke. Kotxe atzean sartzea daukazu, eta zeuk bakarrik ibiltzea daukazu.
N.R.: Eta frenoak eskuetan, gainera.
I.I.: Bai; gainera, frenoak ditu. Normalean, goitibeherek gomazkoak frenoak izaten dituzte; horri disko-frenoak jarri dizkiote. Eta oso dibertigarria da, egia esan. Golfo du izena.
N.R.: Zureak frenorik badu?
I.I.: Ez, modalitate horretan debekatuta daude, eta frenatzeko, bi hankak erabiltzen dira.
N.R.: Oinak, zapatilak?
I.I.: Hori da. Zapatilari goma berezi bat jarri erre ez dadin, eta bakoitzak ahal duen abiadura har dezala.
N.R.: Iosune, zer abiadura hartzen duzue tramankulu horien gainean?
I.I.: Nire ustez, bakoitzaren zoro-puntuaren araberakoa da. Ni 50-60 km/h-ko abiaduran ibiltzen naiz; nahikoa iruditzen zait. Baina street luge-ko munduko errekorra 157an dago.
N.R.: 157?
I.I.: Ez zen karrera batean, baizik eta errekorrerako bereziki prestatutako toki batean; eta, nola ez, Kanadan izan zen. Kanadan oso zaleak dira gauza zoro hauek egiten, abiaduraren zaleak dira oso, eta hantxe egin dute, orain dela gutxi, gainera.
N.R.: Neguko kiroletan ere asko jarduten dute.
I.I.: Hori da, entrenatuta daude.
N.R.: Horrek esan nahi du arriskua ere baduela kirol honek eta ondo babestuta joan behar duzuela.
I.I.: Nire ustez oso garrantzitsua da. Normalean, babestuta egoten dira zuhaitzak eta bazterrak. Baina ez dago % 100 babestuta, eta nik nahiago izaten dut goitik behera Robocop-en antzera janztea, mozorrotzea, eta ahalik eta babes handiena janzten dut.
N.R.: Lehen aipatu duzu oinetakoekin frenatzen duzuela.
I.I.: Bai, zola berezi bat da. Oinetako normalari eransten dio zapatariak.
N.R.: Kautxuzkoa, gomazkoa da, ezta?
I.I.: Hori da, birrintzen ez den goma berezi bat da. Zapatariak kolaz eransten du; niri josi eta guzti egin zidan...
N.R.: Eta hau?
I.I.: Bada, azkeneko karreran bazegoen kurbatxo bat, gustura harrapatu ezin nuena, beldur pixka bat ere hartu nion, eta denbora guztian barruko aldearekin frenatzen nuen. Eta hau da izandako berotasunen ondorioa, eta kautxu-usain latza egon zen, egia esan. Jaitsiera asko izan ziren, ez zen bakarra izan.
N.R.: Nola jartzen zara hemen?
I.I.: Posizioa hau izango litzateke: ipurdia hemen pegatuta, izterrak deskantsuan, hankak aurrerantz. Eta heldulekuak, hemen.
N.R.: Bai, hor eskuak.
I.I.: Hori da. Eta normalean beti etzanda, posizio honetan, ikusteko. Kurba egiteko honantz edo honantz.
N.R.: Gorputz osoarekin egiten duzu indarra? Indar handia behar da?
I.I.: Indarra baino gehiago posizioa da. Adibidez, pisua alde honetan jartzen badut, ardatzek bira egingo dute, eta alderantziz, beste aldera.
N.R.: Orduan, oinak airean doaz berez, eta frenatzeko jaisten dituzu.
I.I.: Hori da. Txikitan frenatzen genuen bezala: bi oinak jaitsi eta zola osoa jarrita, eta eskuekin ondo eutsita.
N.R.: Arkaitz, zurea, berriz, beste modalitate bat da.
ARKAITZ GARAITA; longboard: Bai, zutik joaten naiz, eta hanka bat bakarrik daukat frenatzeko, eta gorputza, haizearen erresistentziarekin. Eta posizioa: honela joaten zara, beti makurtuta, haizearen kontra erresistentzia txikiagoa izateko. Kurban sartu baino arinago eskuak zabaltzen dituzu, haizeak frenatzeko; eta hori nahikoa ez bada, hanka bat jaitsi, eta ostera ere hanka igo eta kurban sartzen zara.
N.R.: Horregatik daramatzazu bi zapatila desberdin?
ARKAITZ GARAITA; longboard: Bai, honek zola berezia du, gomazkoa.
N.R.: Frenoa, ezta?
ARKAITZ GARAITA; longboard: Eta bestean ez duzu behar. Eta zapatilak apurtzen dira...
Buletina
