“Mugako Zientzia” da ekitaldiaren izena, eta orain dela egun gutxi antolatu zuen Donostia International Phisyc Centerrek. Punta-puntako gonbidatuak izan zituzten topaketetan, besteak beste, nazioartetik etorritako Albert Fert eta Claude Cohen-Tanoudji Nobel saridunak, baita Juan Ignacio Cirac fisikaria ere.
Egin zituzten hitzaldi eta mahai-inguruetan, zenbait zientzia-arlotako gaiak gizarteratu zituzten. Baina hiru zientzialariek gehiagorako denbora ere izan zuten, eskola batzuetako gaztetxoekin elkartu baitziren Eureka Zientzia Museoan. Eta gure kamerek elkarri egindako galde-erantzunak jaso zituzten.
Zein izango dira XXI. mendeko erronkak?
Claude Cohen- Tanoudji, Nobel sariduna: Erronkak argi daude. Lurreko biztanle-kopuruak izugarri egingo du gora. Munduan bizi diren zazpi mila milioi pertsona horiek bizitzeko beharko den energiaren arazoari irtenbideak bilatzea ezinbestekoa izango da. Elikadura-, komunikazio- eta osasun-arazoak egongo dira, eta horien guztien konponbidea zientziaren eskuetan egongo da.
Zientzialari berriak beharko dira horretarako. Nola erakarriko ditugu gazteak zientziaren mundura?
Juan Ignacio Cirac, fisikaria : Azalpenak emanez, gozatzeko aukera emanez erakarriko ditugu lehenik. Zientziarekiko grina, zaletasuna izan dezaketela ikusaraziko diegu. Azken finean, lana egitea ezinbestekoa bada bizitzeko, lan horrekin gozatzeko aukera izatea primerakoa izango litzateke. Horixe gertatzen zaigu zientzialariei.
Gazteen adierazpenak:
Ikaslea: Ingeniaritza mekanikoa egin nahi dut eta seguru aski, autoetara bideratua.
Ikaslea: Kimika ikastea gustatuko litzaidake.
Ikaslea: Fisika eta informatika gustuko ditudan bi arlo dira.
Ikaslea: Fisika gustatzen zait gehien, batez ere erraza egiten zaidalako.
Albert Fert, Nobel sariduna: Nik Asiara bidaiatzen dut, Txinara, Koreara. Eta herrialde horietan gazteek zientziarekiko zaletasun handia dute. Zientziak eta teknologiak nabarmen egiten du aurrera han. Mendebaldeko herrialdeetan bokazio gehiago sortzen ez badugu, etorkizunean Asian garatuko dituzte teknologiak, eta gure herrialdeetako egoera ekonomikoak okerrera egingo du.
Nola erantzungo du hezkuntzak?
Claude Cohen- Tanoudji, Nobel sariduna:Hezkuntzaren papera ezinbestekoa da. Komeni da ahalik eta gazte gehienei oinarrizko hezkuntza ematea, hezkuntza ahalik eta osatuena, eta, batez ere, beharrezko diren oinarri zientifikoak ematea zientziari beldurrik izan ez diezaioten.
Claude Cohen- Tanoudji, Nobel sariduna: Zientziak espiritu kritikoa garatzen laguntzen du. Ikuspuntu zabalago bat eskaintzen du, dogmetan itsu-itsuan sinetsi ordez arrazoiketaren bidez norberak hautuak egiteko. Horregatik, uste dut zientziak eta zientzia-ikasketek intolerantzia eta fanatismotik babesten gaituztela.
Irudimena garrantzitsua da?
Claude Cohen- Tanoudji, Nobel sariduna: Irudimena zientziaren ezinbesteko osagarri bat da. Aurkikuntza garrantzitsuenak irudimen handiko pertsonek egin dituzte. Ideia berriekin amets egiten dute, batzuetan era guztiz fantastikoan; baina, beste batzuetan, aurrerakuntza handietan gauzatzen dira.
Juan Ignacio Cirac, fisikaria :Zientzian gabiltzanok ondo dakigu hori. Adin batetik aurrera, gure ideiak ez dira hain originalak, aurreiritzi gehiago ditugu, eta, horrenbestez, garrantzitsua da gazteak ideia berriekin, bultzada handiagoarekin, gauzak egiteko gogoarekin etortzea.
Gazteen adierazpenak:
Ikaslea: Ez naiz sekula izan horrelako leku batean, eta guztia gustatu zait.
IKaslea: Pertsona normalak dira. Nobel saridunak dira baina horretaz gain, beren bizitza daukate, baita bere afizioak ere.
bxaqVpXKfIyuQOcsdqS 2012/01/15
Nontihg I could say would give you undue credit for this story.UFBmCwWcIIuWYjkD 2012/01/16
f06I0e , [url=http://daeywglicybx.com/]daeywglicybx[/url], [link=http://jlyjapfecdgf.com/]jlyjapfecdgf[/link], http://cqojhlrwrmsb.com/xsgzhGOIWJoD 2012/01/17
qw3Rey ibhbtrfsivfsUuOqNBlipCWkW 2012/01/19
SilWj4 , [url=http://ydrdgnosiulk.com/]ydrdgnosiulk[/url], [link=http://grzjnqrtpieg.com/]grzjnqrtpieg[/link], http://bgpzvoloqpzj.com/