Eskuinak eta ezkerrak
2009/03/18
Iturria: Teknopolis
Oso jende gutxi da gai ezkerra eskuina bezain ongi erabiltzeko. Eskuina da esku edo hanka trebea gehienetan, eta ezkerra, berriz, laguntzailea. Zergatik ote?
Transkripzioa ikusi
Hamar lagunetik bat ezkerra da. Ezkerrak ongi daki desabantaila garbiak dituela gutxiengoaren parte izateak. Izan ere, egunero erabiltzen ditugun tresnetako asko eskuinentzako eginak dira: guraizeak, ordenagailuaren sagua, lata-irekitzekoa, mikrouhin-labea...
Ezkerra eta eskuina trebezia desberdinez erabiltzeari lateralitate esaten zaio, eta hominido gutxi batzuen ezaugarria da, antza, gainerako animaliak eskuinarekin bezain ongi moldatzen baitira ezkerrarekin ere.
Gizakion lateralitatearen atzean hizkuntza dago. Hizkuntzarako gaitasunak garunaren eskuin-hemisferioaren zati handi bat hartzen du; horregatik, gorputzaren mugimenduak hobeto zuzentzen ditu beste hemisferioak, ezkerrak. Eta ezker-hemisferioa da eskuin-eskuaren mugimenduak zuzentzen dituena.
Noski, azalpen horren arabera, guztiok eskuinak beharko genuke. Eta hala omen ziren gizon-emakume guztiak duela 2 milioi urte. Baina, harrezkero, ezkerren proportzioa handitu egin da. Zergatik? Auskalo! Eboluzioaren gutizia izango zen agian, baina kontua da hizkuntzaren kokapena ez dela oraindik nahikoa azaltzeko zergatik garen batzuk eskuinak eta besteak ezkerrak.
Bideo gehiago
Buletina
