Eskriman aurkaria armaz ukitzea da helburua, eta gailu elektronikoak erabiltzen dituzte kontaktua noiz gertatzen den zehatz jakiteko. Jantzietan, pistan eta sableetan ere jartzen dituzte gailu elektroniko horiek.
Nagore Rementeria lankideak Fortuna Kirol- Elkarteko Alex Prior eskrima-irakasle gaztearekin egin du hitzordua, eta hauek dira kirol horren inguruan eman dizkion argibideak.
NAGORE REMENTERIA; Elhuyar Fundazioa: Eskrima nahiko kirol berezia da, antzinako jarduera edo ohitura batetik datorrelako; baina asko aldatu da, ezta?
ALEX PRIOR; eskrima-irakaslea: Bai. Teknologiaren ikuspegitik aldatu da. Orain arma guztiak elektrikoak dira. Adibidez, hemen daukagu floretea. Floretea da arma txikiena eta malguena. Oso malgua da. Puntan botoi txiki-txiki bat dauka, eta bularrean soilik uki dezakegu aurkaria.
NAGORE REMENTERIA; Elhuyar Fundazioa: Eta ukitzean, botoia zanpatzen da.
ALEX PRIOR; eskrima-irakaslea: Bai, botoia zanpatu eta argia pizten da. Horrela epaileak badaki nork ukitu duen bestea lehenengo.
NAGORE REMENTERIA; Elhuyar Fundazioa: Hori da begiz oso zaila delako ukituari antzematea, ezta?
ALEX PRIOR; eskrima-irakaslea: Oso azkarra da. Ukituak segundo-hamarren batzuk irauten du, eta epailearentzat oso zaila da bereiztea nork ukitu duen nor lehendabizi. Horregatik erabiltzen dugu sistema elektrikoa, ez bakarrik epaileengatik, baita ikusleengatik ere. Beste hau ezpata da.
NAGORE REMENTERIA; Elhuyar Fundazioa: Zenbat arma-mota daude eskriman?
ALEX PRIOR; eskrima-irakaslea: Hiru: floretea, ezpata eta sablea. Ezpata da armarik handiena.
NAGORE REMENTERIA; Elhuyar Fundazioa: Zabalagoa...
ALEX PRIOR; eskrima-irakaslea: Hau ia antzinakoa bezalakoa da. Honekin gorputz guztian uki dezakegu aurkaria: bai oinetan, bai buruan... gorputz osoan. Floreteak bezala, puntan botoi bat du, pixka bat handiagoa. Eta malgua da, baina ez floretea adina.
NAGORE REMENTERIA; Elhuyar Fundazioa: Honi kablea ere ikusten zaio, bistan dauka.
ALEX PRIOR; eskrima-irakaslea: Bai, gorputz osoan jo dezakegunez, berezia da eta neurriz handiagoa.
NAGORE REMENTERIA; Elhuyar Fundazioa: Eta hirugarrena sablea da, ezta?
ALEX PRIOR; eskrima-irakaslea: Gipuzkoan hauxe erakusten dugu. Honek ez du botoirik. Xafla osoarekin jo dezakegu, baina gerritik gora bakarrik.
NAGORE REMENTERIA; Elhuyar Fundazioa: Esan duzu sablearekin jarduten duzuela; hortaz, erabiltzen duzuen arropa eta tresneria guztia horretarako berezia da.
ALEX PRIOR; eskrima-irakaslea: Bai, sablearen kasuan material guztia elektrikoa da. Adibidez, jakatxoa kotoizkoa da, eta kolore grisa du material elektrikoarengatik.
NAGORE REMENTERIA; Elhuyar Fundazioa: Metalezko hariak ditu, ezta?
ALEX PRIOR; eskrima-irakaslea: Hala, ukitzen dugunean, argia piztuko da. Horretarako, sableko kablea pasantera doa. Eta kablea barrutik doa, … eta hemen daukagu entxufea, korrontea eragiteko. Jakatxoari lotuta pintza bat. Aurpegi-babesa ere elektrikoa da, eta pizteko beste pintza hau lotzen diogu.
NAGORE REMENTERIA; Elhuyar Fundazioa: Elektrizitatea eroateko. Hainbeste kable eta korronte elektrikorekin bat baino gehiago beldur izango da karranpa emango ote dion.
ALEX PRIOR; eskrima-irakaslea: Bai, hasieran inpresioa egiten du. Baina ez da beldurrik izan behar: esgriman oso tentsio txikia erabiltzen dugu: 12 volt. Ez du minik egiten.
NAGORE REMENTERIA; Elhuyar Fundazioa: Ezta igarri ere.
ALEX PRIOR; eskrima-irakaslea: Ez, ez. Ez dute zertan beldur izan.
NAGORE REMENTERIA; Elhuyar Fundazioa: Hau nahiko sistema sofistikatua da. Sistema elektriko konplexu samar bat erabiltzen duzue ukitua nabarmentzeko. Horren aurretik nola jakiten zuten ukitua izan zen ala zen.
ALEX PRIOR; eskrima-irakaslea: Bost epaile behar izaten ziren. Epaile nagusiak puntu bat zeukan, eta besteek, erdia.
NAGORE REMENTERIA; Elhuyar Fundazioa: Orduan, begiz egin behar izaten zuten. Zaila izango zen hori.
ALEX PRIOR; eskrima-irakaslea: Zaila da, ez bakarrik epailearentzat, baita ikusleentzat ere. Sistema elektriko honek modernizatu egin du eskrima. Eta egin du...
NAGORE REMENTERIA; Elhuyar Fundazioa: Ikusgarriagoa!
oWFOFXQqdXOz 2012/02/21
Hasteko eta behin, zoroinak zuri ere sortutako orrialdeagatik, filologo eta euskaltzaleok sarean geneukan hutsunea betetzen duela uste dugu eta. Bigarrenik, eskerrik asko hiztegia.net web guneko erabiltzaile izateagatik eta, batez ere, zure orrialdean hiztegia.net-i buruz egindako ekarpenengatik. Aipatutako hiztegiak eta hiztegi bildumak ikusi eta aztertu ostean, web gunean bere lekua behar zutela iritzi diegu eta dagoeneko sarean dira lotura berriak, bakoitza bere arloan, aurreko hiztegi guztiekin batera. Besterik gabe, eskerrik asko zure ekarpenengatik, eta bestelako hutsunerik somatzekotan jakinarazi ahal dizkiguzu.Ibon RodriguezARTEZ Euskara ZerbitzuawTuRBsCwGZPRQPW 2012/02/23
vwM9T8 jwrwrmscuyclvimYELFqxiHaJBtW 2012/02/28
jZAlvM jsqioapwfwxs