Ostadar bikoitzaren sekretua
2012/02/01 Elhuyar Zientzia Iturria: Elhuyar aldizkaria
Zientzialariek aspaldi aurkitu zuten zein zen ostadar arrunta sortzeko sekretua. Alabaina, ostadar bikoitzarenak misterio bat izaten jarraitu du, duela gutxira arte. Hain zuzen, ostadar bikoitzak nola sortzen diren azaltzen duen artikulu bat argitaratu da ACM Translation on Graphics aldizkari espezializatuan.
Artikulu horren arabera, sekretua ur-tantaren itxuran dago: haizearen eraginez, euri-tanta handi batzuek itxura zapala hartzen dute. Argi-izpiek haietan jotzen dutenean, tanten geometria irregularra dela eta, argia bi angelutan islatuta ateratzen da. Horren ondorioz, bi ostadar agertzen dira zeruan. Ikertzaileek ordenagailu bidezko simulazioei esker lortu dute hori frogatzea.
Gehitu iruzkin bat
Saioa hasi iruzkinak uzteko.
Saioa hasi
Jarraitu Zientzia.net
Eduki gehiago
DokuSare bidez
Zientzia.net-en
- Sciencek atzera egin du neke kronikoaren auzian 2012-02-01
- Beste pauso bat eman dute hiesaren birusari zeluletara sartzea eragozteko 2012-04-25
- Aingiren sekretuak 2012-02-01
- Newton eta optika 1987-08-01
- Zer egin ekaitza denean? 1993-11-01
Erreferentziazko webguneetan
Edizioak
- Bi kulturak
- 11,40€Erosi
- PRIMERAN! Ikaslearen materiala
- 33,25€Erosi
Elhuyar sarean
- Babesleak
Elhuyar aldizkaria 2012/04/11
Zuzenketa
Aldizkariaren 283. zenbakian, ostadarrei buruzko albiste hau argitaratu genuen. Honen arabera, ikertzaile batzuek frogatu zuten ordenagailu bidezko simulazioen bidez ostadar bikoitza sortzeko sekretua ur-tanten itxuran zegoela.
Alabaina, irakurle batek ohartarazi digunez, azalpen hori ez da zuzena. Berez, ostadar bikoitzak eta anizkunak nola sortzen diren azaltzen da albistean aipatutako ikerketa hartan. Han frogatu zutenez, ur-tanta irregularren ondorioz sortzen den fenomenoa ez da ostadar bikoitza, beste bat baizik: ostadar nagusiari ostadar biki bat ateratzea, hain zuzen ere.
Fenomeno arraroa da, eta, ikerketa egin zen arte, zientzialariak ez ziren hura azaltzeko gai izan. Horregatik da garrantzitsua simulazioetan oinarritutako ikerketa hori. Ikerketaburua Kalifornia Unibertsitateko Iman Sadeghi da, eta ACM Translation on Graphics aldizkari espezializatuan argitaratu zen.